სამცხე-ჯავახეთი

• გასვლა ბორჯომის მიმართულებით 9სთ-ზე

• სადილი 12-1 სთ

• ბორჯომი

• სასტუმროში რეგისტრაცია

• ბორჯომის პარკი

• სასტუმროში დაბრუნება

   ბორჯომი ბალნეოლოგიური და კლიმატური კურორტი გახლავთ. იგი მდიდარია წიაღისეულით, განსაკუთრებით კი ცნობილია მინერალური წყლებით. "ბორჯომი" მინერალური წყალია და ვულკანური წარმოშობისაა . ყურადღებას ასევე იპყრობს წიწვოვანი და ფოთლოვანი ტყეები. 

   რაც შეეხება ბორჯომის ცენტრალურ პარკს, ის გთავაზობთ გასართობ და მოსასვენებელ ადგილებს, ამავდროულად ბავშვთა ატრაქციონებს. ასევე, საბაგიროს მეშვეობით შეძლებთ ულამაზესი ხედით დატკბობას. 

• საუზმე 9სთ

• გასვლა ვარძიის მიმართულებით 10სთ

• ვარძია

• სადილი 2-3 სთ

• ხერთვისის ციხე

• რაბათის ციხე

• სასტუმროში განთავსება (ახალციხე)

   ვარძია კლდეში ნაკვეთი სამონასტრო  კომპლექსია. იგი ორი ნაწილისაგან შედგება - ვარძიის მონასტრისა და კლდის სოფლის, ანანურისაგან. ვარძიაში 15 კლდოვანი ეკლესიაა შემორჩენილი. ვარძიის მონასტერი ხერთვისთან ერთად  იუნესკოს მსოფლიო მემკვიდრეობის საცდელ სიაშია შეტანილი. 

   ხერთვისის ციხე შუასაუკუნეების ციხესიმაგრეა, რომელიც სოფელ ხერთვისში მაღალ კლდოვან მთაზე მდებარეობს. მემატიანეების ცნობითა და გადმოცემით, ალექსანდრე მაკედონელს ძვ.წ. 4 ს-ში აღმოსავლეთში ლაშქრობისას საქართველოს სხვა ციხე-ქალაქებთან ერთად ხერთვისიც უნახავს.

   რაბათის ციხე სამცხის მთავარ ქალაქს და სამცხის ათაბაგთა რეზიდენციას წარმოადგენდა. მე-12-13 სს-ში ციხე ჯაყელების რეზიდენციად იქცა, იგი აღადგინეს და გააფართოვეს. სწორედ ამ დროიდან მოდის ტოპონიმი "ახალციხე".

• საფარის მონასტერი
• სადილი
• დაბრუნება ბათუმში

  საფარის მონასტერი შუასაუკუნეებს მიეკუთვნება. იგი ჯაყელთა ერთ-ერთი რეზიდენცია გახლდათ. დაარსებულია არაუგვიანეს მე-10 საუკუნისა. იგი ახალციხის მუნიციპალიტეტის  სოფელ ღრელთან მდებარეობს.